أخصائي تعديل سلوك وتنميه مهارات

دايما بنحلم اننا نشوف أولادنا أحسن مننا … بنتوقعلهم مستقبل معين وبنحاول نوجههم ليه…
لكن هل توقعاتنا دي مناسبة لشخصيتهم ؟؟؟
هل أحلامنا اللى بنحلم بيها دي أحسن حاجة ولا ممكن فيه حاجات مناسبة أكتر لشخصياتهم ؟؟
هل شايفين نقط ضعفهم بس ومشغولين نحلها إزاي؟؟
توقعاتنا بتبقى زي المرايا وعلى حسب احنا شايفين أولادنا إزاي هيكون ليه تأثير كبير  وهينعكس عليهم
والحقيقة ان اكتر من نص العوامل اللى بتأثر على سعادة أبنائنا بترجع للبيئة اللى نشأوا فيها وتأثير الأب والأم على تربيتهم  انت حجر الأساس في نجاح عملية التربية والوصول بإبنك لأفضل نسخه منه.
أولادنا بينعكس عليهم جزء كبير من تصرفاتنا .. ولو انت فاكر ان لسه بدرى وهما صغيرين علشان يقدروا يفهموا المواقف او التصرفات اللي بتعملها، فانت أكيد هتكتشف انك كنت غلطان لما تلاقى حد منهم بيردد کلام انت قلته مثلا في لحظة غضب او تلاقيه بيناقشك في موقف معين انت عملته بشكل تلقائي ومخدتش بالك منه.
التربية مش بس تعديل سلوك ..  التربية رحلة لبناء شخصية طفلك
متاح التواصل مع الأخصائي النفسي في المدرسه
أ.سمية سعيد
أخصائي تعديل سلوك وتنميه مهارات
أخصائي تقييم نفسي أطفال
أخصائي تخاطب
للتواصل 📞على الواتس ٠١٠٩٠٩٠٥٩٩٨